قصة فندي
في يوم من الأيام، وكعادتي لما أحب أرجع لحاجة من الطفولة، شغّلت فيلم "الفار الطباخ"، وعلقت معايا جملة الشيف جوستو: "الطبخ للجميع."
وقتها فضلت اسأل نفسي: هو فعلاً الطبخ للجميع؟ ولا لازم أفتح مطعم علشان أطبخ؟
وبعدين فكرت… طب ما كل ست بيت بتطبخ في بيتها لعيلتها، وفيه أمهات كمان بيبيعوا الأكل اللي بيطبخوه في البيت، زي "أم سمير" جارتنا… جابتلنا مرة طبق ورق عنب، بس مش أي طبق، ده كان حكاية!
ومن هنا بدأت الفكرة تطبخ في دماغي: ليه مفيش مكان يجمع كل الناس اللي بتحب تطبخ؟ مكان يفتح الباب لأي موهوب في الطبخ يشارك طبخه مع الناس… ويكسب منه؟ خصوصًا إن فيه آلاف الستات والرجالة اللي الطبخ هو مصدر رزقهم الوحيد.
بعد تفكير طويل، قررنا نبني "فندي" – تطبيق هدفه تمكين الأفراد من تحسين دخلهم من خلال الطبخ، وفتح الفرصة لأي شخص عنده موهبة في المطبخ إنه يشارك طبخه ويوصله للناس.
إحنا مش بس بنبني أبلكيشن بيوصل أكل، إحنا بنبني مجتمع. مجتمع بيدعم الطباخين، يساعدهم يطوروا شغلهم، ويحسسهم إنهم مش لوحدهم في الرحلة.
أهلاً بيكم في عيلة فندي ❤️